Bukod sa acting, gumagawa na rin ng pangalan si Bianca Umali sa local fashion scene. Ang kaniyang inspirasyon, ang Kapuso style icon na si Heart Evangelista.
Sa Chika Minute report ni Cata Tibayan sa 24 Oras, makikita ang pagiging sleek at fierce ni Bianca, na napabilang kamakailan sa Best Dressed list ng Preview magazine.
“‘Yung fashion industry never ko namang inakalang mako-conquer ko siya eh. But now that I have discovered this aspect in my life, I know that my fashion means that it’s breaking the standards of what society expects you to be. It’s being who you really are, not being afraid to show what you want, what you know and how you are,” sabi ni Bianca.
Ayon kay Bianca, si Heart ang kaniyang idolo.
Isa sa goals ngayon ni Bianca ang makilala rin abroad at makadalo sa fashion week.
“Isang malaking yes! Yes we will be conquering outside the Philippines. Kapag naplano na I will find the time. Sana mahagilap ko siya or maybe sa ibang bansa na siguro kami magkita. I don’t know. I am manifesting,” anang Sparkle actress.
“Maging ikaw lang. Be confident and respect yourself,” sabi niya tungkol sa kaniyang fashion tip.
Kasama si Bianca sa celebrity guest ng ika-15 anibersaryo at Spring-Summer collection presentation ni celebrity Filipino designer Anthony Ramirez, kung saan guests din sina Vice Ganda, Angel Leighton at Miss Universe Philippines 2022 Celeste Cortesi.-- Jamil Santos/ FRJ, GMA Integrated News
