Inihayag ng aktres na si Sunshine Cruz na natuklasan na mayroon siyang autoimmune disease.
Sa Instagram, ibinahagi ng 47-anyos na aktres na mayroon siyang myasthenia gravis (MG) 'which has made building muscle a real struggle.'
"It's been a real roller coaster these past months. I was diagnosed with an auto immune disease called myasthenia gravis which has made building muscle a real struggle. But I'm so thankful for the strength I've found," saad ni Sunshine sa post kasama ang larawan niya sa Bench Body of Work fashion show na ginanap kamakailan.
Ayon sa John Hopkins Medicine, ang MG ay inilalarawan na antibodies na umaatake sa komunikasyon sa pagitan ng nerves at muscles. Kasama sa mga sintomas nito ang panghihina ng kalamnan, pagkapagod, bumabagsak na talukap ng mata, at hirap sa paglunok o pagsasalita.
Saad pa ni Sunshine sa kaniyang post, "Walking for Bench was a powerful reminder of what's possible even when things are tough. To all my fellow moms and Gen Xers, never give up on your dreams."
Bukod kay Sunshine, kabilang sa Gen X ladies na rumampa sa Bench Body of Work fashion show sina Ina Raymundo at Priscilla Meirelles.
Nakasama rin ni Sunshine sa naturang fashion show na ginanap sa Mall of Asia Arena noong March 21 ang kaniyang anak na si Angelina. —FRJ, GMA Integrated News
