Bagaman hindi nakita sa "Eat Bulaga" nitong Lunes si Miles Ocampo makaraang "patayan" ng ilaw sa kaniyang comeback performance noong Sabado, opisyal namang inanunsyo nitong Martes na dabarkads na muli siya.
"Welcome back, Miles!," pagbati kay Miles ng iba pang dabarkads.
Matatandaan na napatalsik bilang dabarkads si Miles noong nakaraang Sabado matapos matalo sa "Bida Ex" contest ng mga host ng programa.
Mula noong nakaraang Lunes, gumawa ng paraan si Miles para makabalik sa "Eat Bulaga." Nag-apply siyang camerawoman, technical staff sa "Juan For All, All for Juan" segment, at nagtinda sa labas ng studio.
Hanggang nitong nakaraang Sabado, binigyan siya ng pagkakataon ng TVJ (Tito, Vic at Joey) na patunayan muli na karapat-dapat siyang makabalik bilang dabarkads.
Sa kaniyang pagbabalik sa "EB" nitong Martes, balik din ang mga knock-knock joke ni Miles. May pagbabago naman kaya? Panoorin ang video at muli nilang pagkikita ni Bossing Vic. --FRJ, GMA News
