Inihayag ni Nikki Valdez na non-negotiable sa kaniya ang pangangaliwa o cheating dahil naranasan na niya ito sa dati niyang partner.
Sa “Fast Talk with Boy Abunda” nitong Biyernes, tinanong ni Tito Boy Abunda si Nikki na, “how do you unbreak a heart?”
“I don’t think you can ever unbreak a heart. It’s like ka-level po kasi ‘yan ng once you lose that trust of a person, diba?” sagot ni Nikki, na bahagi ng Kapuso drama series na "Unbreak My Heart."
“And I always tell my daughter this, ‘Siguraduhin mo na tama ‘yung sasabihin mo, tama ‘yung mga gagawin mo, tama ‘yung mga choices mo in life.’ Kasi once you break someone’s heart, once you lie or nasabi mo na, nagawa mo na, hindi mo naman kaya ibalik ‘yun eh,” pagpapatuloy niya.
Kaya sinabi ni Nikki na non-negotiable sa kaniya ang cheating nang tanungin siya ni Tito Boy.
“Because I’ve been through that,” saad niya.
“So it’s something na sobrang sakit na sometimes, kahit kahit masaya ka na, you are at the happiest point of your life, pagka may trigger, mababalik ka eh, naiisip mo talaga na masakit. Never mong mababawi ‘yun kahit ano pang sabihin mong ‘masaya naman na ako ngayon,’” paliwanag ng aktres.
Sa kabila nito, muling nakahanap si Nikki ng pag-ibig “when I surrendered everything.”
“Sinabi ko talaga na ‘Ayoko na, pagod na pagod na ako. And then, the light at the end of that super dark tunnel was my daughter,” sabi niya.
Kasama rin sa “Unbreak My Heart” sina Gabbi Garcia, Joshua Garcia, Jodi Sta. Maria, at Richard Yap.
Mapapanood ang ““Unbreak My Heart” Lunes hanggang Huwebes ng 9:35 p.m. sa GMA Telebabad at GTV ng 11:25 p.m. -- FRJ, GMA Integrated News
