Kinumpirma ng negosyanteng si Atong Ang na may relasyon sila ng aktres na si Sunshine Cruz.

Bago nito, kumalat sa social media ang video clips nang paghalik ni Sunshine kay Atong sa isang event.

Sa isang video, makikita na lumakad si Sunshine papunta sa nakaupong si Atong, at kaniyang hinalikan.

Sa isa pang video, si Atong naman ang nagpunta sa lugar ni Sunshine na nakaupo rin noon at kaniyang rin hinalikan.

“Kinumpirma mismo ni Atong Ang sa Bilyonaryo News Channel na may relasyon nga sila ni Sunshine Cruz," saad ng broadcaster na si Pinky Webb sa Bilyonaryo News Channel.

 

BASAHIN: Sunshine, sinabing pagkawala ng tiwala ang dahilan sa pakikipaghiwalay niya kina Cesar at Macky

Dating kasal si Sunshine sa aktor na si Cesar Montano, at mayroon silang tatlong anak na babae.

 Samantala, dating naugnay si Atong sa aktres na si Gretchen Barretto pero walang kumpirmasyon mula sa magkabilang panig.— FRJ, GMA Integrated News