Umakyat na sa 33 ang kaso ng coronavirus disease 2019 (COVID-19) sa Pilipinas matapos madagdagan ito ng siyam, ayon sa Department of Health (DOH) nitong Martes.

Naunang inanunsyo ng DOH na 11 ang nadagdag na kaso ng COVID-19 pero kinalaunan ay nilinaw ni Assistant Secretary Dr. Maria Rosario Vergeire, na may dalawang pasyente ang naulit ang pagsusuri.

“Upon verification, DOH reported that two of the new positive samples received by the Epidemiology Bureau are repeat tests on samples taken from patients 7 and 8,” anang opisyal.

“We’d like to apologize for that… There was this post coming from the health emergency meeting… wherein they initially reported the 35 cases,” paliwanag pa ni Vergeire. “It was supposed to be DOH initially issuing out these kinds of numbers.”

Ayon kay Vergeire, ang mga panibagong kaso ng COVID-19 (na kinabibilangan ng siyam na inanunsyo ng DOH at apat na inanunsyo ni Pangulong Rodrigo Duterte nitong Lunes ng gabi) ay nasa sumusunod na mga ospital:

•    Dr. Jose N. Rodriguez Memorial Hospital for Patient 21 (58-year-old female)
•    Cardinal Santos Medical Center for Patients 22 (51-year-old female) and 23 (30-year-old female)
•    Lung Center of the Philippines for Patient 24 (52-year-old male)
•    New Clark City quarantine facility for Patients 25 (31-year-old male) and 26 (34-year-old male), na parehong sakay ng Diamond Princess cruise ship
•    The Medical City for Patients 27 to 33

Si Patient 27 ay 42-anyos na babae na walang travel history.

Si Patient 28 ay 69-anyos na lalaki na may history ng exposure sa isang pasyente ng COVID-19.

Si Patient 29 ay 82-anyos na babae ay may history ng contact sa isang pasyente ng COVID-19.

Si Patient 30 ay 69-anyos na babae na nakalapit din sa pasyenteng may COVID-19.

Si Patient 31 ay 28-anyos na babae, si Patient 32 ay 64-anyos na lalaki, at si Patient 33 ay 60-anyos na lalaki na pawang walang travel history.

Pawang Filipino umano sina Patients 21 hanggang 33, ayon sa datos ng DOH.

“The Epidemiology Bureau is conducting comprehensive contact tracing activities for all cases,” ayon kay Vergeire.--FRJ, GMA News