Isang dambuhalang catfish o hito na may sukat na halos tatlong metro ang nahuli ng isang lalaki sa Mantua, Italy.
Sa ulat ng Balitanghali nitong Martes, sinabing may sukat na dalawang metro at 85 sentimetro ang naturang hito.
Sinabi ng lalaki na inabot ng 40 minuto bago niya nahuli ang hito sa ilog, na hindi umano niya inaasahan.
Matapos makunan ng larawan at makuha ang sukat nito, pinakawalan rin niya ang nahuling isda. —Jamil Santos/ VAL, GMA Integrated News
