Puno pa rin ng pagmamahalan ang 2023 sa nangyaring kasalan at engagement ng mga sikat bagaman magsasara ang taon na may malungkot na balita ng hiwalayan at kontrobersiya ng ilang taga-showbiz.
Glaiza De Castro and David Rainey
Matapos ang tradisyunal na kasal nila sa Northern Island noong 2021, muling nagpakasal sina Glaiza De Castro at David Rainey sa Zambales noong Enero.
Sophie Albert and Vin Abrenica
Sinelyohan din nina Sophie Albert at Vin Abrenica ng kasal ang kaniyang pagsasama, at naging bahagi ng seremonya ang kanilang anak na si Avianna, na isinilang noong March 2021, isang buwan matapos ang kanilang engagement.
Makaraang magkahiwalay at magkabalikan, ikinasal noong Agosto sa Bali, Indonesia, Maja Salvador at Rambo Nunez. Napag-alaman na nagkaroon na muna ng intimate civil wedding sa Manila ang dalawa noong February 14, na isinabay sa kanilang fourth anniversary.
Alodia Gosiengfiao and Christopher Quimbo
Elegante at fairytale ang kasal nina Alodia Gosiengfiao at Christopher Quimbo. Saad ni Alodia sa isang post, "Forever grateful to all who made my fairytale wedding come true - it was truly a dream come true!"
Maine Mendoza and Arjo Atayde
"Markado" kay Maine Mendoza ang petsa ng kasal nila ni Arjo Atayde noong nakaraang July 28. Sa katulad na petsa noong nakaraang taon, inanunsyo nila ang kanilang engagement. Pero siyam na taon ang nakaraan, sa katulad na petsa rin inihayag ni Maine sa post niya sa Twitter (X na ngayon), ang "Arjo cutie." Photo courtesy: mainedcm and arjoatayde/IG
LJ Reyes and Philip Evangelista wedding
Ikinasal naman ang aktres na si LJ Reyes kay Philip Evangelista sa The Beavin House sa East Hampton sa New York. Present sa kasal ni LJ ang kaniyang mga anak na sina Aki at Summer, na nagsilbing flower girl
Jomari Yllana and Abby Viduya wedding
Nagpalitan ng "I Do" sina Jomari Yllana at Abby Viduya sa isang intimate wedding na ginanap sa Las Vegas, Nevada noong Nobyembre. Dating magkasintahan na ang dalawa noong teenager pa lang sila pero nagkahiwalay, at muling nagkabalikan pagkaraan ng 30 taon.
Ikinasal din ngayong taon ang Ben&Ben band member na si Miguel Benjamin at Karelle Bulan, Pia Wurtzbach at Jeremy Jauncey, Ejay Falcon at Jana Roxas, Dominique Cojuangco at Michael Hearn, Lovi Poe at Montgomery Blencowe, Venus Raj and North Orillan, at Maxine Medina at Timmy Llana.
Samantala, aabangan naman ang kasal ng mga na-engaged ngayong taon tulad nina Catriona Gray at Sam Milby, Laureen Uy at Miggy Cruz, Bugoy Cariño at EJ Laure, at Bea Alonzo at Dominic Roque.
--FRJ, GMA Integrated News
