Inilahad ng dating Sexbomb member na si Izzy Trazona ang kaniyang saloobin sa pasya ng kaniyang anak na si Andrei na maging isang drag queen. May mensahe naman si Andrei para sa kaniyang ina.
“I miss you Drei, you’re always in my prayer...everyday. I love you so much. And that will never be changed,” panimula ni Izzy sa kaniyang Facebook post.
Gayunman, sinabi niyang hindi siya sang-ayon sa desisyon ng anak.
“Sometimes, parents & their children have disagreements and its normal. But I know both sides have that pain in their [heart] and wishes that they will just simply agree w/ each other. Both have their own reason of what they are fighting for,” anang dating Sexbomb dancer.
Binalikan ni Izzy ang kaniyang karanasan bilang isang anak, na hindi rin noon sinasang-ayunan ng kaniyang ina sa lahat ng bagay.
Ngunit napagtanto ni Izzy na ginagawa ito ng kaniyang ina bilang pagmamahal sa kaniya.
[Of course] sadness & hatred is what I felt, and later did I know, that she is just protecting me. Back then all I see is her angry face, but now I realized that it is LOVE. I thought that mom doesn’t want me to be happy, but she is just concern that in the end of it all. I won’t get hurt w/ my decisions.”
Sunod nito, inilahad ni Izzy na nagkaroon sila ng usapan ni Andrei tungkol sa desisyon nito sa buhay.
“Once you told me, ‘you’ll never know what I feel kasi you we’re never in my shoes’” kuwento niya na sinabi sa kaniya ni Andrei.
“Yes, I agree, same with me, hindi mo parin naman nararanasan maging magulang. All I want is for your best. Im holding on with the TRUTH that is written in the bible, the word of God. The One who created us,” mensahe ni Izzy sa anak.
“Nandon kasi ako sa ending ng lahat ng ito, Heaven & earth will pass but my words will not pass away (Matt 24:35),” dagdag pa niya.
Nanindigan si Izzy na tututol siya sa anomang ginagawa ng kaniyang mga anak na labag sa kaniyang pananampalataya.
“So if my children, the 4 of them, will do something that is against the faith that I have in Christ, that will I disagree. I point them to Jesus because with that I will be secured with their future. The best I know I can give to my children, more than richness, fame and all.”
Sinabi ni Izzy na sumasampalataya siya sa pagliligtas ng Panginoong HesuKristo sa krus at ang pagbayad nito sa kaniyang mga kasalanan.
“Sino ba naman magulang ang gustong mapahamak ang anak? When all your motive is to save them sa mas masakit na pwede nilang maranasan. Ang buhay na wala si Kristo.”
“Andrei anak, I love you so much to not support you on things that will harm you. I am always here for you…your mama, mahal na mahal kita,” pagtatapos ni Izzy.
Sa ngayon, may mahigit 46,000 reactions, mahigit 8,000 comments at 20,000 shares ang post ni Izzy, at hati ang netizens ng kanilang pag-sang-ayon at hindi pag-sang-ayon sa kaniyang naging saloobin.
TUGON NI ANDREI
“I LIED IN AN INTERVIEW,” tugon naman ni Andrei sa Facebook.
Ayon kay Andrei, ginawa niya lamang ito para protektahan ang kaniyang ina.
“that she supports for what I am and for what I do just to protect her from any backlash but there's no point in protecting her because the truth came out straight from her...” pagpapatuloy niya.
Nanindigan naman si Andrei tungkol sa pasiya niya sa kaniyang seksuwalidad at sa kaniyang pagda-drag.
“As much as I love you, you know that I don't wanna live in a lie. I'm sustaining myself for years now and I am living responsibly honest. I'm tired of this conversation about me being gay and doing drag. I wanna end this argument by saying that "| wanna live my own truth and someday you will be proud of what I will become,” saad ni Andrei.
“I love you so much mom but this isn't healthy for me anymore. I hope someday you will understand how it feels to be in my shoes. I miss you but you're not bringing me any comfort and compassion I deserve,” saad pa niya.
Isa si Andrei sa mga contestant ng unang season ng drag competition ni Viñas DeLuxe na "Bunganga Battle Royale."
Sa kaniyang introduction video, tinukoy ng 21-anyos na si Andrei, na nakabihis bilang ang kaniyang drag persona na si Sofia, ang kaniyang sarili bilang "the Sexbomb legacy," at sinabing "surprisingly supportive" ang kaniyang mommy Izzy.
Ipinakilala ni Andrei ang drag queen persona niyang si Sofia noong Disyembre 2022. -- FRJ, GMA Integrated News
