Isang mananaya ang mapalad na nanalo ng mahigit P125 milyon na jackpot prize sa Superlotto 6/49 draw nitong Huwebes, November 4, 2021.
Sa website ng Philippine Charity Sweepstakes Office, nakasaad na isang mananaya lang ang tumama sa kombinasyon ng mga numero na 05-03-10-17-43-49.
Umabot ang kabuuan premyo nito sa halagang P125,692,139.20.
Samantala, wala namang nanalo sa kasabay nitong Lotto 6/42 draw na may winning combination na 35-34-14-22-06-33 at mahigit P5.9 milyon ang premyo.
Sa Biyernes, Nov. 5, mayroong draw para sa Ultra Lotto 6/58 na ang premyo ay umaabot na sa mahigit P253 milyon. -- FRJ, GMA News
