Alice Dixson, magsasalita na tungkol sa kuwento ng umano'y ‘taong ahas’ sa isang mall

Makalipas ang 30 taon, sinabi ng aktres na si Alice Dixson na magsasalita na siya upang ihayag ang kaniyang panig tungkol sa kuwento-kuwento ng umano'y "taong ahas" sa isang mall na kasamang nabanggit ang kaniyang pangalan.

Sa kaniyang Instagram post, ipinakita ni Alice ang teaser video ng ilalabas niyang panig ng kaniyang kuwento matapos siyang bumalik sa nabanggit na mall kung saan sinasabing nangyari ang insidente na muntik na siyang mabiktima ng "taong ahas."

“Mahal kong kababayans ... hindi ko gustong buhayin ang chismis; that is the farthest from my intention,” paglilinaw ng aktres.

"I made promise to a dear friend - I said I would tell my side of the story this year at dahil 30 year anniversary na this month, it is NOW time," saad pa niya sa caption ng video.

 

 

 

 

View this post on Instagram

 

 

 

 

 

 

 

 

 

...hindi ko gustong buhayin ang chismis; that is the farthest from my intention. Nais ko lng linawin ang mga naganap sa Robinson’s Galleria nun dalaga pa ako. I made promise to a dear friend - I said I would tell my side of the story this year at dahil 30 year anniversary na this month, it is NOW time. Yes, 3 decades na! And I’ve never said a word or explained my side. Kaya if you are one of the many na gusto nyo malaman ang totoo, panoorin nyo etong kuento ko sa akin YouTube channel ???? very soon. #TheTruth #Robinsons #Galleria #AliceDixson #TaongAhas #SnakeMan #RobinsonsGalleria #YouTube #Vlog

A post shared by Alice Dixson (@alicedixson) on

Jul 20, 2020 at 1:36am PDT

Mula nang lumabas ang naturang kuwento-kuwento, sinabi ni Alice na hindi siya nagsalita tungkol dito.

Noong 2016, sandaling napag-usapan sa dating GMA show na “Sarap Diva” ang tungkol sa naturang kuwento ng "taong ahas."

– FRJ, GMA News