Ilang nanonood ng street dancing ang naatrasan ng isang sasakyan sa gitna ng pista sa Bacolor, Pampanga.
Sa ulat ng 24 Oras Weekend nitong Sabado, makikita sa isang video na napahiga sa kalsada ang ilang naatrasan ng kotse.
Makaraan ang ilang saglit, agad na kinompronta ng ilan pang nanonood ang driver ng sasakyan.
Walang naitalang nasawi sa insidente, ngunit may tatlong batang isinugod sa ospital.
Hindi pa malinaw ang kondisyon ng mga bata, at patuloy ang imbestigasyon sa insidente. —Jamil Santos/VBL, GMA Integrated News
