Tatlo sa apat na sakay ng isang kotse ang nasawi matapos nilang makasalpukan ang isang truck sa Pinamungajan, Cebu.
Sa ulat ng Regional TV News Balitang Bisdak nitong Lunes, sinabing lumitaw sa imbestigasyon ng pulisya na galing sa fiesta ang mga biktima at patungo sa Toledo City.
Pero tumawid umano sa kabilang lane ng kalsada ang kotse sa bahagi ng Barangay Tajao kaya nakasalpukan ang paparating na truck.
Nasawi ang tatlong sakay, habang kritikal naman ang isa pa nilang kasama.
Nasa kostudiya ng pulisya ang driver ng truck na hindi nagbigay ng pahayag.-- FRJ, GMA Integrated News
