Naudlot ang isang flight sa Tacloban Airport matapos mag-bomb joke ang isang lola.
Sa ulat ng 24 Oras Weekend nitong Sabado, sinabing lumabas sa imbestigasyon na isang lola ang tinutulungan ng crew sa kaniyang bagahe nang sabihin niyang mabigat ang kaniyang bag dahil may laman umano itong bomba.
Dahil dito, hindi pinayagang bumiyahe ang lola, na mag-isa lang noon.
Nasa kustodiya na ng PNP Aviation Security Group ang lola. — Jamil Santos/VBL, GMA Integrated News
