Patay ang isang motorcycle rider na nag-overtake matapos niyang makasalpukan ang isang kotse sa Lapu-Lapu City, Cebu.
Sa ulat ng GMA Regional TV Balitang Bisdak, na iniulat din sa Unang Balita nitong Martes, mapapanood sa CCTV ang pag-overtake ng rider sa isa pang motorsiklo.
Pero may kasalubong pala na kotse sa kabilang lane ng kalsada at sumalpok siya rito.
Dead on arrival sa ospital ang rider.
Nasa kustodiya na ng kapulisan ang driver ng kotse, na tumangging magbigay ng panig. — Jamil Santos/ VDV, GMA Integrated News
