Sa ulat ng GMA Regional TV Balitang Bisdak, na iniulat din sa Unang Balita nitong Biyernes, mapapanood ang kuha ng isang saksi na nakahinto ang taxi habang nasa gilid nito ang truck driver na nakaberde.
Maya-maya pa, umandar ang taxi kahit nakabukas ang pinto sa passenger side.
Sumunod naman ang truck driver at sumampa sa gilid ng taxi, bago pinilit na hilahin palabas ang taxi driver.
Nang hindi niya ito mahila, pinaghahampas na ng truck driver ang taxi driver.
Lumabas ang taxi driver at humantong na ito sa suntukan.
Inilahad ng Mandaue City Traffic Office na nagkausap rin ang dalawang driver at nagkasundong hindi na sila magsasampa ng reklamo laban sa isa't isa. —Jamil Santos/ VAL, GMA Integrated News
