Nasunog ang isang kotse habang kinukumpuni ng mekaniko sa Cagayan De Oro City. Ang kotse, totally damaged.
Sa ulat ni Cyril Chaves sa GMA Regional TV News nitong Lunes, sinabing nangyari ang insidente sa Barangay Kauswagan.
Naapula lang ang apoy sa kotse nang dumating ang mga bumbero pero tuluyang natupok na ang sasakyan.
Ayon sa awtoridad, nagkaroon umano ng spark na pinagmulan ng apoy sa kotse nang ibalik ng mekaniko ang koneksyon ng kuryente sa baterya nito.
Nagtamo ng paso sa kamay ang mekaniko nang tangkain daw nitong patayin ang apoy sa sasakyan.--FRJ, GMA Integrated News
