Nakita sa loob ng isang nakaparadang sasakyan ang bangkay ng dalawang lalaki at dalawang babae sa Montalban, Rizal.
Sa ulat ni Carlo Mateo sa Super Radyo dzBB nitong Lunes, sinabing batay sa impormasyong nakarating sa tanggapan ni Rizal Police Provincial Office Director Police Colonel Dominic Baccay, na may bahid ng dugo sa sasakyan.
Ang mga residente sa lugar sa bahagi ng Balagbag sa Barangay San Isidro ang nakakita sa mga biktima na nasa loob ng isang silver gray Nissan na may plakang NGU1923.
FLASH REPORT: Apat katao, natagpuang patay sa isang nakaparadang sasakyan sa Brgy. San Isidro, Montalban, Rizal. | via Carlo Mateo pic.twitter.com/uhNY6zOuPe
— DZBB Super Radyo (@dzbb) August 22, 2022
Patuloy pa ang imbestigasyon ng mga awtoridad para malaman ang pagkakakilanlan ng mga biktima at sanhi ng kanilang pagkamatay. --FRJ, GMA News
