Kinagiliwan ng netizens ang pagtatrabaho ng isang lalaki habang nagpa-parasailing sa Boracay, matapos niyang malimutang mag-file ng leave.
Sa video ni Denver Cartagena Poria, na mapapanood sa State of the Nation, makikita ang kaniyang "work from the air" setup na nagla-laptop habang nagpa-parasail.
Ayon kay Denver, hindi siya nakapag-file ng leave para sa bakasyon nagtrabaho pa rin siya.
Gayunman, katuwaan lamang ito, at gusto lamang niyang maghatid ng good vibes sa kaniyang boss, na napanood na ang video at natawa sa kaniyang pakulo. —Jamil Santos/LBG, GMA News
