Isang lalaking sanggol ang isinilang sa Mandaue City Hospital na nagbigay-pag-asa sa mga nurse sa kasagsagan ng pananalasa ng Bagyong Odette sa lalawigan ng Cebu.
Sa ulat ni Jhomer Apresto sa Super Radyo DZBB nitong Sabado, sinabi ng isang nurse na tinawag nila itong "Baby Odette" kahit na lalaki ang kasarian nito.
Isinilang si "Baby Odette" dakong 1 a.m. ng Biyernes at may bigat na tatlong kilo.
Sanggol, isinilang sa Mandaue City Hospital sa kasagsagan ng pananalasa ng Bagyong #OdettePH. | via @jhomer_apresto pic.twitter.com/1zgwS6NhTv
— DZBB Super Radyo (@dzbb) December 18, 2021
Ayon sa mga nurse, bigla silang nagkaroon ng lakas ng loob matapos makita ang sanggol sa kabila ng kanilang takot sa bagyo.
Samantala, sinalanta rin ng bagyong Odette ang nasabing ospital at tanging ang emergency room na lamang ang nagagamit sa ngayon.
TINGNAN: “Baby Odette” iyan ang tawag ng mga nurse sa isang sanggol na isinilang sa Mandaue City Hospital sa kasagsagan ng pananalasa ng Bagyong Odette.
— Jhomer Apresto (@jhomer_apresto) December 18, 2021
Ayon sa isang nurse doon, sa kabila ng takot sa bagyo ay nagkaroon sila ng lakas matapos makita ang sanggol. |@dzbb @gmanews pic.twitter.com/ZqlXJBcAli
—LBG, GMA News
