Patay ang isang drug suspect sa Laguna nang manlaban umano ito sa mga pulis sa ikinasang buy-bust operation noong Huwebes.
Sa ulat ni Darlene Cay sa Unang Balita nitong Biyernes, agad umanong sinalakay ng mga pulis ang bahay ng suspek sa bayan ng Pakil matapos makabili ng droga ang poseur-buyer ng pulis.
Ngunit nanlabalan umano ang target, na kinilalang si Leandro Pacheco alias "Bong", sa mga pulis at napatay.
Narekober mula sa kanya ang P9,000 halaga ng hinihinalang shabu. —LBG, GMA News
