Nadagdagan ng pito ang panibagong mga kaso ng Pinoy sa abroad na dinapuan ng COVID-19 para sa kabuuang bilang na 10,035, batay sa inilabas na datos ng Department of Foreign Affairs nitong Miyerkules.

Gayunman, maituturing na magandang balita na sa ikalawang sunod na araw ay walang naitalang pasyenteng Pinoy sa abroad na may COVID-19 ang nasawi, na nananatili sa bilang na 742.

 

 

Nadagdagan naman ng 47 ang bilang ng mga gumaling para umakyat sa 6,076, habang 3,217 ang patuloy na ginagamot.

Nanggaling umano sa Asia and the Pacific at sa Europe ang bilang ng mga bagong gumaling at mga bagong kaso ng virus.--FRJ, GMA News