Dumating na sa Pilipinas ang KPop girl group na 2NE1 para sa kanilang "Welcome Back" reunion concert na gaganapin nitong weekend.
Sa isang footage na ibinahagi ng isang netizen sa GMA Integrated News, mapanonood din sa ulat ni Aubrey Carampel sa "Balitanghali," ang pagsalubong ng Filo Blackjacks kina Sandara Park, CL, Minzy at Park Bom sa kanilang pagdating nitong Huwebes ng gabi.
Mula sa isang gabing concert lamang, inanunsyo ng Live Nation Philippines at YG Entertainment na magkakaroon ng Day 2 sa Nobyembre 17 sa SM Mall of Asia Arena pa rin.
Nagdagdag din ng restricted view seats ang mga organizer para sa in demand nilang show sa Nobyembre 16.
Ilan sa mga kanta ng 2NE1 ang "I Am the Best," "Fire" at "I Don't Care." — Jamil Santos/BAP, GMA Integrated News
