Pinalagan ni Kuya Kim Atienza ang isang TikTok post na inaanunsyo na pumanaw na siya, at sinabing “hoax” lamang ito.
Sa TikTok, isang account na may pangalang “GMA” na may kasamang blue diamond emoji ang nag-post ng black and white photo ni Kuya Kim.
“Maraming salamat, Alejandro ‘Kim’ Ilagan Atienza. January 24,1967-June 3, 2024,” saad sa post.
In-edit ito ni Kuya Kim, at sinulatan ng “HOAX” na kulay pula.
“Aabot din tayo diyan, but not today,” caption ng Kapuso TV-host.
“Sobrang badtrip ako sa account na yan kuya. Naka off comment tapos iyong account niya sa TikTok, artists na pinatay niya,” komento ni Rita Daniela.
“What the hell?? Ano yan?? Why would anyone do that??” sabi ni Ashley Rivera.
Bukod sa pagiging news anchor sa “24 Oras,” host din si Kuya Kim ng “TiktoClock” at “Dapat Alam Mo!” — VBL, GMA Integrated News
