Nagbabala si Matteo Guidicelli laban sa kumakalat na scam na ginagamit ang pangalan nila ni Sarah Geronimo at nangangakong mabibigyan ng P5,000 assistance ang mga may national ID.

Sa kaniyang X (dating Twitter), na makikita rin sa Unang Balita nitong Huwebes, ibinahagi ni Matteo ang larawan ng naturang scam, kung saan sinabi ritong ambassadors din sina Matteo at Sarah ng PhilSys.

Sa caption, sinabi ni Matteo na mag-ingat dahil isa itong malaking scam.

— Jamil Santos/VBL, GMA Integrated News