Kanselado na ang concert ni Rod Stewart sa Manila, ayon sa Live Nation Philippines.
Hindi na matutuloy ang concert na nakatakda sanang gawin sa Marso dahil sa “unforeseen circumstances,” ayon pa sa concert organizers.
Makakakuha naman ng full refunds ang mga nakabili na ng ticket.
“We apologize for any inconvenience caused and thank you for your understanding,” pahayag ng Live Nation.
Noong Nobyembre sinimulan magbenta ng ticket para sa Live in Concert, One Last Time? ni Rod na gagawin sana sa Mall of Asia Arena sa March 13.
Kabilang sa mga naging hit song ni Rod ang “Maggie May,” “Do Ya Think I’m Sexy?” “All for Love,” “Sailing,” at “Have I Told You Lately.” —FRJ, GMA Integrated News
