Sa episode ng “Fast Talk with Boy Abunda” nitong Miyerkoles, tinanong si Andrea Del Rosario tungkol sa pagiging sexy star niya noon.
“When you're being packaged as a sexy star, did you like it?,” tanong ni Tito Boy Abunda kay Andrea, na miyembro noon ng isang grupo ng mga sexy star.
“Of course not,” tugon ni Andrea. “But my drive to work kasi at that time was to help my family. Like what I said, nagkahiwalay po ang mga magulang ko, and then it was just my mom and then she had to take care of the four of us.”
“‘Yun ang opportunity ko to somehow, move forward in life,” pagpapatuloy niya.
Dagdag ni Andrea, “torn” siya noon sa kaniyang naging desisyon na maging sexy star.
“As far as I can remember, yes. But of course, kinondisyon ko na rin ang mind ko to have the right kind of mindset na don’t regret any decision that you make. ‘You just do it.’ And that’s what I did,” paliwanag niya.
May isang anak na ngayon si Andrea, na si Beatrice Anne Del Rosario.
Tinanong ni Tito Boy si Andrea kung paano niya ipaliliwanag kay Bea kapag magtanong ito balang araw tungkol sa kaniyang pagiging isang sexy actress.
“I’ll just explain to her that of course, we are all given the freedom of choice, and at that time, I had to choose to survive, and that was the opportunity that was given to me to somehow move forward,” ayon kay Andrea.
Inamin ni Andrea na babaguhin niya ang kaniyang kapalaran kung mabibigyan ng pagkakataon.
“If I can change it, of course. But then again itinuturo ko naman sa kaniya that in anything that you do, whether you make a mistake, the most important thing is learn from it,” sabi ng aktres.
Isa si Andrea sa mga miyembro noon ng Filipino pop girl group na Viva Hot Babes, na patok sa kanilang novelty songs gaya ng “Bulaklak,” “Kikay” at “Basketbol.” Napanood din sila sa ilang sexy films. -- FRJ, GMA Integrated News
