Nagbigay ng pahayag si Yassi Pressman hinggil sa hiwalayan nila ng kaniyang non-showbiz boyfriend na si Jon Semira.
“I think I’m just gonna make this really, really short, because I do respect the privacy that Jon has,” panimula ni Yassi sa “Fast Talk with Boy Abunda” nitong Huwebes.
“Unfortunately it just didn't really go that way. Pero at the end of the day I value the time that I’ve had with the person,” pagpapatuloy niya. “Lahat naman may malaking naiambag sa buhay ko hindi ko makakalimutan.”
Sa kabila ng kanilang naging hiwalayan, sinabi ni Yassi na nanatili ang “good talking relationship” nila ni Jon, lalo't may businesses na silang sinimulan.
“Despite not going that way I really still wish him the best, and he wishes me the best as well,” mensahe ng aktres sa kaniyang dating partner.
Parehong kinumpirma nina Yassi at Jon ang kanilang hiwalayan noong nakaraang buwan.
Matapos nito, na-link naman si Yassi kay Camarines Sur Governor Luigi Villafuerte, at kay Ilocos Norte representative Sandro Marcos.
Bida si Yassi sa GMA Public Affairs series na "Black Rider" at gumaganap bilang leading lady ni Ruru Madrid. Mayroon din silang pelikula na "Video City" na mapapanood sa Setyembre 20. -- FRJ, GMA Integrated News
