Ibinahagi ni Michelle Dee na hindi naging madali sa kaniya ang 2022, na puno ng mga pagsubok lalo’t nalagay sa peligro ang buhay ng kaniyang mga magulang na sina Melanie Marquez at Derek Dee.

Sa special edition na “Back to Back Talk” ng “Fast Talk with Boy Abunda” nitong Miyerkoles, kinumusta ni Tito Boy si Melanie kay Michelle, dahil malapit din ang Miss International 1979 sa kaniya.

Hindi man pinipilit, sinabi ni Michelle na todo-suporta sa kaniya ang ina sa pagsali niya sa mga pageant.

“My mom is with me 100%. Did she force me to join the pageant? No she did not. Even my first pageant she didn’t, but she believes that I am capable of greater things, and a greater version of myself. She supports me through and through,” sabi ni Michelle.

Pero pag-amin ng Miss World Philippines 2019, “But Tito Boy, kasi may mga nangyari last year with my family na medyo mahirap.”

“My mom, kaya siya in the States now, she had to take a break because naaksidente po siya. My dad as well naaksidente, and then I had to take on the responsibilities of both families,” sabi ni Michelle, bagama’t hindi na niya idinetalye pa ang mga nangyari sa kaniyang mga magulang.

“Last year was a very difficult year, actually one of my most difficult years,” sabi ni Michelle.

Ito ang pinanghuhugutan ni Michelle sa muli niyang pagsali sa Miss Universe Philippines 2023.

“That’s why I’m here. I’m joining the pageant again because I feel I have so much to share and so much to prove, so much inspiration to share to people that look up to me. The crown is really more than just a title, it’s really a platform for positive change,” sabi ni Michelle.

'Hindi pa ako tapos' 

Ayon kay Michelle, hindi pa tapos ang kaniyang misyon bilang isang beauty queen, kaya muli siyang sumali sa Miss Universe Philippines 2023.

“I’m so grateful for everything na napagdaanan ko pero hindi pa ako tapos, hindi pa talaga. Because I’m a go-getter,” sabi ni Michelle.

“I have dreams, I have aspirations kahit marami na akong na-accomplish in entrepreneurship, show business and pageantry. Feeling ko kulang pa rin. I still owe it to my future self and my future kids to really do something about and really make my mark in history,” sabi ng beauty queen sa King of Talk.-- FRJ, GMA Integrated News