Scarlet Snow Belo, tapos nang isulat ang kaniyang non-fiction book

Kilala sa kaniyang pagiging multi-talented, inihayag ni Scarlet Snow Belo na tapos na niyang isulat ang kaniyang non-fiction book.

Sa kauna-unahan niyang solo interview sa "Surprise Guest with Pia Arcangel,” sinabi ni Scarlet na hilig niya ang pagsusulat at katunayan, ito pa ang paborito niyang subject sa eskwelahan.

“I love writing books,” saad ng anak nina Dra. Vicki Belo at Hayden Kho, at idinagdag na marami na siyang naisulat na kuwento.

“I just finished [a book] today," paglalahad ni Scarlet.

Tungkol daw sa mga aso ang aklat ni Scarlet, at "nonfiction" ang genre nito.

“Actually, my teacher wants me to write a fiction [book]. Actually, I have made a Pokémon [fiction] book before,” sabi ni Scarlet, na nasa Grade 2 na.

“I have a lot of Pokémon toys... And I have a Switch that I usually play Pokémon but I also like watching Pokémon. That's what I was actually doing right before this (interview) happened," kuwento niya.--Jamil Santos/FRJ, GMA News