Graduate na sa kolehiyo ang aktor na si Baron Geisler sa kursong Bachelor of Arts in Theology.
Nag-post sa Instragram ang aktor nitong Martes sa dinaluhang commencement exercises sa All Nations College sa Antipolo City.
“My journey has reached its goal, and opened a way before me. Thank You, Lord!” saad ni Baron sa caption.
Sa Instagram stories, inihayag niya ang pasasalamat dahil natupad na ang ipinagdarasal niya na makapagtapos makaraang bumalik siya sa pag-aaral.
“(Noong) 2019 tayo nag-start at [ito] na po, nasagot ng Panginoon ang aking pangarap na makapag-tapos ng kolehiyo,” sabi ni Baron na nilagyan niya ng hashtag na #ItsNeverTooLate.
Binati naman ng followers at kaibigan si Baron, maging ng mga kapuwa niya artista tulad nina Janno Gibs at Princess Punzalan.– FRJ, GMA News
