Mga pelikulang pagbibidahan ng mga pinakasikat na Hollywood stars ang mapapanood sa Netflix ngayong 2022. Kabilang diyan sina Chris Hemsworth, Ryan Gosling, Chris Evans, Jason Momoa, Mark Rufallo, Ryan Reynolds at Daniel Craig.
Sa isang trailer, ipinakita ng Netlix ang aabangang pelikula sa kanila bilang ang "The Gray Man," na pagbibidahan nina Ryan Gosling at Chris Evans, "Spiderhead" ni Chris Hemsworth, "Slumberland" ni Jason Momoa, at "The Adam Project" nina Ryan Reynolds at Mark Ruffalo.
Nandiyan din ang inaabangang sequels ng "Enola Holmes 2" nina Millie Bobbie Brown at Henry Cavill, at ang "Knives Out 2" ni Daniel Craig.
Sinabing linggo-linggong ay may bagong pelikula na mapapanood sa Netflix na may action, mystery, suspense, comedy at iba pa.
Kasama rin sa mga ipinasilip ang "The Mother," "Day Shift," "Pinocchio," "The School For Good and Evil," "Tall Girl 2," "End of the Road," "Hustle," "We Have A Ghost," "Me Time," at "The Takedown." —FRJ, GMA News
