Dalawa ang nasawi at tatlo ang sugatan nang makuryente sila habang nagbabaklas ng Christmas decorations sa Mabinay, Negros Oriental.
Sa ulat ng GMA Regional TV News sa GTV Balitanghali nitong Miyerkules, sinabing lumabas sa imbestigasyon ng pulisya na gumamit ng boom lift truck ang mga biktima at sumabit ito sa isang live wire.
Umuulan din umano nang sandaling mangyari ang insidente.
Limang tao ang dinala sa ospital, at dalawa sa kanila ang hindi nakaligtas.
Ayon sa pulisya, barangay councilor at lift truck operator ang dalawang nasawi. -- FRJ, GMA Integrated News
