Hindi naitago ni AiAi Delas Alas ang kaniyang pagiging pusong bata matapos magbihis bilang si Elsa ng Disney movie na "Frozen," at kumanta ng "Let It Go" sa gitna ng snow sa Virginia, USA.
Sa kaniyang TikTok at Instagram, ibinahagi ni AiAi ang pag-lip-sync niya ng awitin habang sumasayaw sa labas ng kanilang tahanan.
"Elsa LET IT SNOW AY GO PALA HAHA. The cold never bothered me anyway ( MAMATEY?!!!) shuta ang lamig mag pa aandar lang sa tiktok," caption ni AiAi.
Nagpasalamat naman ang Comedy Queen sa kaniyang mister na si Gerald Sibayan.na kumuha ng video.
"[M]araming salamat sa aking cameraman sa kanyang support at pag mamahal habang nakanjacket sya and kumpleto sya ng pang pa init hehe."
Kasalukuyang nasa Amerika sina AiAi at si Gerald, at ini-enjoy ang kanilang buhay may-asawa.
Matapos nito, tutungo naman si AiAi sa Los Angeles, California para makasama ang anak na si Sophia.--FRJ, GMA News
