May paparating na bagong miyembro ng pamilya sina Iya Villania at Drew Arellano.
Sa episode ng "Mars Pa More" nitong Lunes at sa Instagram, binati ni Kuya Kim Atienza sina Iya at Drew sa paparating na baby no. 4 ng mag-asawa.
“CONGRATS to my inaanaks Iya and Drew on baby no 4!" ani Kuya Kim. "You two are blessed!”
Co-hosts ng "Mars Pa More" sina Iya at Kuya Kim, kasama si Camille Prats.
Samantala, kinumpirma ng GMA Network sa Instagram post ang pagbubuntis ni Iya.
Taong 2014 nang magpakasal sina Drew at Iya, at mayroon na silang tatlong anak na sina Primo, Leon, at Alana. — FRJ, GMA News
