Sa pagpasok ng taong 2022, maraming tao ang humihiling na magdala ito ng maganda at panibagong simula. Nagbigay naman ng mensahe ng pag-asa sina Bea Alonzo, Alden Richards at Julie Anne San Jose para sa mga Kapuso.
"Ngayong parating na ang 2022, ang nais ko po sa ating lahat ay kalimutan na po natin ang mga hindi magandang pangyayari noong 2021. Iwan na po natin lahat ng experiences natin na hindi maganda for that year and let's move on this 2022, dahil sobrang daming possibilities, sobrang daming pagkakataon muli na makapagsimula," sabi ni Alden.
"Alam ko po marami tayong pinagdaanan these past years, pero alam ko kinaya natin at kakayanin pa natin. Kaya ngayong 2022 sana po ay maging masagana ang ating mga buhay at maginhawa ang ating mga buhay. At siyempre sana lagi tayong healthy. Let's all look forward to a better 2022. Love you all!" mensahe naman ni Bea.
"I just want to say Happy, Happy New Year to everyone. Alam ko marami na po tayong napagdaanan noong 2021 so we're all looking forward to a better year. And sana po ay huwag tayong mawalan ng pag-asa dahil things will be better, hopefully of course in 2022. Kaya naman po mag-ingat po kayo palagi lahat mga Kapuso. Cheers!" ani Julie. — Jamil Santos/VBL, GMA News
