Inanunsyo ni Winwyn Marquez na baby girl ang kaniyang ipinagbubuntis.
Sa kaniyang latest vlog, ibinahagi ni Winwyn ang video ng gender reveal party ng kaniyang baby.
Makikitang hawak ni Winwyn at ng kaniyang non-showbiz partner ang isang itim na balloon. Nang kaniyang paputukin, lumabas ang mga pink na confetti, na nangangahulugang baby girl ang kanilang magiging anak.
Hindi napigilan ni Winwyn na yakapin ang kaniyang partner sa tuwa dahil sa rebelasyon.
Ibinahagi rin ito ni Winwyn sa kaniyang Instagram.
"Page 365 of 365. 2021 gave me the best things despite our situation now.. aside from the blessings I recieved from work, God gave me a partner who gives me infinite love and support and a baby to complete our family," saad ng Miss Reina Hispanoamericana 2017 titleholder.
"We can't wait to meet YOU my love! Happy New Year everyone!!" dagdag ni Winwyn.
Inanunsyo ni Winwyn ang kaniyang pagbubuntis Disyembre nitong nakaraang taon. —LBG, GMA News
