Learning never stops para kay Jason Abalos matapos siyang kumuha ng Master's Degree in Public Administration sa Philippine Christian University.
'Puwede kong ituloy ng doctorate para puwedeng magturo. After how many years, kasi naalala ko magtu-20 years na noong last na pasok ko sa university eh," sabi ni Jason sa Chika Minute report ni Cata Tibayan sa GMA News "24 Oras" nitong Miyerkoles.
"Learning never stops. Back to school, may student ID na ulet :) #MMPA" caption naman ni Jason sa kaniyang IG post.
Samantala, masaya at excited si Jason matapos siyang mag-renew ng management contract sa GMA Artist Center.
Kabilang si Jason sa GMA Afternoon Prime series na "Las Hermanas" kung saan gumaganap siya bilang si Gabriel.
"Ito kasi 'yung talagang gusto kong gawin, ang tumagal nang tumagal. Kasi nga talagang nasa puso ko ang pag-arte, nasa puso ko ang showbiz industry. Kaya kahit gawin ko ito, siguradong mag-e-enjoy lang ako," ani Jason.--Jamil Santos/FRJ, GMA News
