Hall of famer na rin ang K-pop sensation na BTS matapos ianunsyo ng Guinness World Records na kasali ang grupo sa Hall of Fame 2022.
Sa ulat ng GMA News "Unang Balita" nitong Biyernes, sinabing mayroon nang 23 Guinness world record titles ang BTS sa kasalukuyan.
Kabilang na rito ang most viewed YouTube video in 24 hours para sa kantang "Butter."
Hawak din ng BTS ang dating record para sa "Dynamite," "Boy with Luv" at "IDOL."
Bukod dito, may record din ang BTS na most viewed YouTube video in 24 Hours by a K-Pop Group.
BTS din ang pinakamabilis na oras na nakaabot ng isang milyong followers sa TikTok sa loob ng tatlong oras at 31 minuto.
May record din ang BTS na most tickets sold for a livestream concert.--Jamil Santos/FRJ, GMA News
