Ikinagalak ng Filipino indie band na Ben&Ben na natupad ang kanilang dream collaboration kasama si Chito Miranda.
Base sa announcement ng Ben&Ben sa kanilang social media, kasali ang collab kasama ang frontman ng Parokya ni Edgar sa kanilang second album.
Sa ulat ng GMA News "Saksi," sinabing ikatlo si Chito sa anim na collaborations kasama ang banda, at may tatlo pa silang sorpresa.
Kasunod niyan, inanunsyo rin ng grupo ang title ng bago nilang album na "Pebble House Vol. 1: Kuwaderno."
Nauna nang i-release ng banda ang kanilang collaboration song kasama si Moira dela Torre na "Pasalubong," na sinundan ng kanta nila kasama si Munimuni na "Sugat."--Jamil Santos/FRJ, GMA News
