Mula sa pagiging isang kilalang aktor sa Pilipinas, inilahad ng dating TGIS star na si Red Sternberg ang kaniyang pagsusumikap sa hotel industry nang lumipat sa Amerika, hanggang sa maging general manager siya roon.
“After I left showbiz nag-Bangkok muna ako. You know, work and pleasure. When I left show business around 2001, lumipat muna ako ng Cebu, I stayed there for around a year ... Noong lumipat ako ng Cebu, I considered myself ‘retired.’ Offers were coming in, nire-reject ko,” kuwento ni Red sa online talk show na “Just In.”
Gayunman, nakasama pa rin si Red sa isang Kapuso show kasama ang kaniyang co-T.G.I.S. star na si Bobby Andrews.
Pero nang lumipat sa Amerika, sinimulan na ni Red ang kaniyang career sa hotel industry.
“Ever since I got here in the US I’ve been in the hotel industry. Currently for the past around eight years I’ve been a general manager for hotels. A lot of travelling,” saad niya.
Ayon kay Red, nagtrabaho siya ng limang taon sa tatlong kumpanya na related sa hotel industy.
Sa ngayon, isa siyang general manager sa Panama City Beach sa Florida.
Natanong si Red tungkol sa kaniyang karanasan bilang isang general manager.
“I’m just acting as if I know what I’m doing,” biro ni Red, na inalala ang kaniyang pinagdaanan bago maabot ang kaniyang success doon.
“I worked my way up. Nag-start ako as a front desk agent. And then after a few months, assistant general manager, and I stayed in that role for quite a while, then nag-general manager ako.”
Para kay Red, “once work feels like ‘work,’ then it means it’s time to go. Kasi you’re not enjoying anymore eh, if it feels like work already, then it means it’s time to go. I think that’s one reason why I left show business, it was just time to move on.”
Kahit na general manager na sa Florida, nakatatanggap pa rin si Red ng guestings at reunions, tulad nang mag-guest siya sa “Bawal Judgmental” ng Eat Bulaga.
Ayon kay Red, wala siyang pinagsisisihan “that I left the [show] business when I did.” – Jamil Santos/RC, GMA News
