Inihayag ni Rhian Ramos na nagpositibo siya sa coronavirus disease 2019 (COVID-19).
Sa kaniyang Instagram nitong Miyerkoles, nagbahagi si Rhian ng kaniyang larawan kasama ang kaniyang road manager na si Rach Librado, at sinundan niya ito ng video ng kanilang pagpapagaling.
Ipinakita ni Rhian ang kaniyang positive test result at ibinahagi kung paano sila nagtulungan ni Rach para gumaling.
“It started with a fever. We isolated for a few days but found out we were both positive. Started feeling better day four to six,” sabi ni Rhian.
Tila isang "rollercoaster ride" daw ang kanilang mga araw habang nagpapagaling, mula "better" na naging "worse" o vice versa. Sa kabila nito, nanatili raw silang “motivated and focused on [their] health.”
“We still found things to laugh about because despite the scary days, at least we had each other," anang Kapuso actress.
Sa caption, sinabi ni Rhian na “out of the woods” na sila, kasabay ng pagsabi na “grateful" siya sa "life, health, love and friendship.”
Nagbigay si Rhian ng mensahe ng pagpapakatatag sa mga nagpositibo rin sa naturang sakit.
“The light at the end of the tunnel is wonderful. If you or someone you know is still going through the covid battle, stay motivated my friend. Keep your morale up.”
“When you see your first negative result, you'll be overcomed with relief and that feeling you've been dreaming of, where for 5 minutes there's finally no fear,” dagdag pa niya.
Panalangin ni Rhian para sa lahat, “God bless our countrymen and God bless our health workers. Praying for you all out there. Stay safe.” --FRJ, GMA News
