Isa nang ganap na mommy si Sophie Albert matapos iluwal ang unang baby nila ni Vin Abrenica na isang babae.
Sa kaniyang Instagram account, ipinost ng Kapuso actress ang larawan na may kamay ng sanggol at may caption na: 03.15.21.
Nag-post din si Vin ng naturang larawan sa kaniyang account na may nakalagay na "out little princess."
Nitong Linggo, ibinahagi ni Sophie sa IG story ang pagdala sa kaniya ni Vin sa ospital.
Nitong nakaraang Pebrero nang ibahagi nina Sophie ang gender ng kaniyang first baby sa YouTube vlog.
Bago nito, inanunsyo rin ng dalawa ang kanilang engagement matapos ang walong taon nilang pagiging magkasintahan. --FRJ, GMA News
