Tuloy pa rin ang taunang Metro Manila Film Festival (MMFF) ngayong 2020 kahit may COVID-19 pandemic at hindi pa batid kung kailan magbubukas ang mga sinehan. Ang mga pelikulang kalahok sa kapistahan, mapapanood online.

Ito ang inanunsyo ni Noel Ferrer, spokesperson ng MMFF sa kaniyang social media post, ayon sa ulat ng GMA News TV "Balitanghali" nitong Biyernes.

Ayon pa kay Ferrer, iaanunsyo rin sa mga susunod na araw ang worldwide streaming service na magiging kapartner ng MMFF para mapanood sa internet ang mga pelikulang kalahok.

 

 
 
 
 
 
 
 
 
 
 
 
 
 

TULOY ANG METRO MANILA FILM FESTIVAL 2020! Yan ang napagdesisyunan sa katatapos pa lang na meeting ng Metro Manila Film Festival, na talagang well-attended at puno ng good vibes. Sa pangunguna ni Tita Boots Anson Rodrigo, nag-alay ang grupo ng dasal at commendation sa mga yumaong EXECOM members na sina Manay Ichu Vera Perez-Maceda at si Atty Rolando Duenas. Pinakamalaking balita na magiging ONLINE na ang MMFF sa taong ito at i-aannounce sa susunod na mga araw ang magiging ka-partner na worldwide streaming service ng mga entries ensuring that the biggest, the most popular and the longest running Filipino film festival will be happening everywhere - recreating happy traditions, and experiencing MMFF beyond-the-movies - together with the whole family. Nakaka-excite nga ito dahil ultimo ang President ng Cinemalaya Foundation na si Direk Laurice Guillen ay kumbinsido sa nakuhang malawakang streaming partner ng MMFF - baon ang mahahalagang learning nila sa nakaraang online Cinemalaya. But here are some important announcements sa mga gustong sumali pa sa mga finished film entries. Acknowledging the challenges ng film shooting ngayon, the deadline for finished film submission is moved from October 15 to NOVEMBER 15. Samantalang ang finished films based on the approved scripts ay may bagong deadline from Oct 31 to NOVEMBER 30. This will give producers and filmmakers more time na puliduhin pa ang kanilang mga entries. Magandang balita rin na WAIVED na ang mga entry fees ng mga isinubmit for consideration sa MMFF Summer Festival. They just have to fill out the forms for resubmission. Dahil sa ONLINE distribution - mas maraming Pilipino ang makakapanood ng mga pelikula -pero isang major na kunsiderasyon ang pag-iwas sa piracy na natugunan naman ng magiging partner ng MMFF at i-aannounce sa mga darating na araw!!! Tuloy ang Pasko at tuluy na tuloy ang MMFF ngayong Pasko!!! Magkikita-kita tayo ONLINE!!! #MMFF2020Updates #PEPAlerts #PEPTroika

A post shared by Noel Ferrer (@iamnoelferrer) on

 

Sinabi rin ni Ferrer na tiniyak ng partner na maiiwasan ang piracy ng movie entries.

Samantala, mapapanood din online ang Pista ng Pelikulang Pilipino 4 simula Oktubre 31.

Kasama sa 145 na pelikulang tampok ang mga pelikula ng GMA Films na Muro-Ami, Jose Rizal, Deathrow, Moments Of Love at Family History.

Matatandaang naging virtual din ang Cinemalaya Film Festival noong Agosto.--FRJ, GMA News