Sa online show na "Just In" ni Paolo Contis, iminungkahi ng dating "TGIS" batch 3 cast na sina Chubi Del Rosario, Aiza Marquez, Yves Gonzalez at Vanna Garcia na muli sanang ipalabas ang kanilang 90's youth-oriented show. Pero may plano pa kaya silang bumalik sa showbiz? Alamin.
"Can you guys consider going back full-time sa acting ulit," tanong ni Paolo Contis sa apat.
Unang sumagot si Chubi, na isa nang wellness expert at events host; "Natanong ako nito recently and I think what I replied was I would consider, well, depende siguro sa definition ng 'full-time.'"
"I think it would be a consideration if it was under something na gusto kong i-share talaga, like anong talento ang gusto kong i-share this time," patuloy niya.
Kung babalik man, nais ni Chubi na makasama sa proyekto ang kaniyang mga kasama sa TGIS.
"I would only really consider as of now siguro kung kasama ko 'yung my good pals from TGIS. I'm very open naman about it, those are my best times talaga during my showbiz years," sabi niya.
Para naman sa abogadong si Yves na tumutulong ilang sangay ng gobyerno: "I think if it was like a TGIS reunion or reboot, maybe then if it's like one season lang or one movie then maybe yes, but not full-time."
Handa naman tumanggap ng proyekto ang negosyante at mommy na ngayon na si Vanna pero guesting lang at hindi bilang full-time artista.
"Right now kasi I have three beautiful boys and for me 'yung time ko with them is very important also. And being into business full-time, talagang the schedule is very eratic, it really takes up most of your time and most of your days, so you don't know when you'll be free," paliwanag ni Vanna.
"So for me, I'm pretty okay now with what I'm doing, the clinic and blogging and influencing, that's fine with me right now. But of course I'm open to guestings as well, things like that, interviews. If I were to do another show with my friends that would be really great. Pero 'pag full time I think medyo mahirap yata now," dagdag ni Vanna.
Dahil nakabase na sa New York at may anak, hindi rin nakikita ni Aiza na lubos siyang makababalik sa showbiz sa Pilipinas.
"It's not gonna be full time any more especially when you have kids. And if ever mangyari man 'yan, I don't think I will stay in the Philippines full-time tapos 'yung mga anak ko andito. Medyo malaking adjustment and maraming dapat i-consider, especially now when you have kids," sabi ni Aiza.
"Like they said when there's a big reunion or a movie together, and at the same time just an opportunity to go to the Philippines like mag-visit and mag-guesting, of course, magsisinungaling ako kapag sinabi ko na hindi," dagdag ni Aiza.
Hangad din nila na maipalabas sana muli sa GMA ang TGIS ngayong panahon ng community quarantine na hindi pa lubos na makapag-taping ang mga teleserye.--FRJ, GMA News
