Nais ni Raechelle Ricketts na sundan ang yapak sa showbiz ng kaniyang mga magulang na sina Ronnie at Mariz Ricketts.
Sa Chika Minute report ni Lhar Santiago sa GMA News "24 Oras," ikinuwento ni Raechelle na nakagawa na rin siya ng pelikula kasama ang kaniyang ama.
"Early 2019 February 'yung movie ng dad ko it got released, 'Exit Point,' I was one of the main characters there. Tapos last year October 2019, we started naman sa shooting of a biopic of doc Willie Ong," sabi ni Raechelle.
Bukod sa kagandahan ng mukha, kapansin-pansin din ang magandang pangangatawan ni Raechelle.
"I try to workout every day. Me kasi, I really don't have a diet so I do intermittent fasting. I have a certain window of eating, I have only five hours of eating in a day," paliwanag niya.
Samantala, dahil action star ang ama, hindi kataka-taka na nagsasanay din ng martial arts si Raechelle.
"My dad, he would always train us, prepare just in case we have to defend ourselves. I tried to practice kickboxing and arnis," sabi ni Raechelle.
Bukod kay Raechelle, sasabak din sa showbiz sina Angela Alarcon, na anak ni Jestoni Alarcon, at si Claire Castro, na anak nina Diego Castro at Raven Villanueva.--Jamil Santos/FRJ, GMA News
