Nagsalita na si Claudine Barretto at pinasinungalingan niya ang kuwento ng kapatid na si Marjorie tungkol sa nangyaring gulo sa burol ng kanilang ama, na kinasangkutan din ng isa pa nilang kapatid na si Gretchen.  

Nakapanayam si Claudine sa pamamagitan ng telepono sa ulat ni Nelson Canlas sa GMA News "Saksi" nitong Martes. Ito ang unang pagkakataon na nagsalita ang aktres mula nang sumiklab ang gulo sa burol ng kanilang ama.

Giit ni Claudine, hindi siya ang nagsimula ng gulo at hindi raw niya magagawa na gumawa ng gulo sa harap ng mga nakatatanda at ni Pangulong Rodrigo Duterte na bisita sa burol nang mangyari ang insidente.

WATCH: The Barretto family feud and what you need to know

Kuwento niya, ang ate niyang si Gretchen ang gumawa ng unang hakbang na makipagbati dahil na rin sa mungkahi ni Duterte.

Pero tumanggi umano si Marjorie at idinahilan ang mga umano'y ginawa ni Gretchen sa kaniyang [Marjorie] pamilya at mga anak.

"So sabi ni Gretchen, hindi ako na lang po bilang nakakatandang kapatid. Nag-give way talaga yung ate ko. With all humility. Alam mong napakahirap gawin yun ha. Ikaw ang ate, ikaw ang magpapaubaya," sabi ni Claudine.

READ: Marjorie Barretto, nagsalita ukol sa nangyaring insidente sa burol ng ama

 

 
 
 
 
 
 
 
 
 
 
 
 
 

There are very disturbing news going around right now. All these years, I have kept my peace and I always chose to ignore all the LIES that my sisters spread about me and my children. But nothing can get lower than this. Giving false statements to the press, and twisting stories about what really happened in my Father’s wake is by far the most epic one. They have tried so hard over the years to destroy my name, I have nothing to lose anymore at this point.I love my family very much, they are my core. I am all for reconciliation. We were hoping for that all those 16 days that my Father was fighting for his life in the hospital.It would have been nice if she made her peace in the quiet of my Fathers room. With no cameras. Don’t be fooled by the statements of my sisters, they are leaving out a very important detail of what really caused pain and tension in the wake.May I request everyone to allow our family to grieve, it’s our last day with our Father today. Please hold your judgement and opinions until he is laid to rest,then WE WILL FOR THE FIRST TIME SPEAK THE WHOLE TRUTH AND NOTHING BUT THE TRUTH. I would like to ask for prayers too. Because when I speak the truth, my life and my children’s life will be put in danger. My sisters boyfriend is powerful in a very bad way( and I don’t mean Tony Boy)And in speaking the truth I won’t be able to leave his name out. And to our dear President Duterte, thank you for being there for the family and sharing in our grief. My apologies that your name was dragged into this. You were so kind to me. I will always be grateful.

Isang post na ibinahagi ni marjbarretto (@marjbarretto) noong

 

Hindi raw kinaya ni Claudine ang ginawang pagmamatigas umano ni Marjorie sa harap pa mismo ng pangulo.

"Sabi ko, 'Huwag sa harapan ng presidente, Marjorie.' Sabi ko, 'You're unbelievable.' Sabi kong ganun. Ganito ang boses ko ha, hindi ako sumisigaw," kuwento pa Claudine sabay sabing naghi-hysterical na umano si Marjorie.

Giit ni Claudine, may mga kulang at may mga dagdag ang kuwento ni Marjorie.
'Dun sa kuwento niya, maraming kulang or dagdag. Pakiramdam ko, dagdag-bawas. Yung pananakit nila sa akin, physically. Minedico-legal ako," saad ng aktres.

Dahil sa nangyaring gulo, mas lalo raw mahirap sa kaniya ang tanggapin ang pagkawala ng kanilang padre de pamilya.

"Dahil sa gulong 'to hindi pa nagsi-sink in yung pagkawala ng tatay ko. Hindi ko alam kung dahil sa gulong 'to o dahil ayoko pang i-accept," pahayag niya. "Hindi ako okay kasi alam kong hindi okay ang daddy ko, hindi siya masaya sa mga pangyayaring ito."

Samantala, sa Instagram naman idinaan ni Gretchen ang paliwanag kung bakit hindi siya nakabisita sa kanilang ama habang nakaratay sa ospital.

 

 

Pinagbawalan daw siyang pumunta sa ospital dahil sa galit ni Marjorie at pag-iwas na magkaroon ng tensyon kapag nakita ang politikong iniuugnay kay Marjorie.

Sabi pa ni Gretchen, ang kanilang ina na rin si Inday Barretto ang nagsabing sadyang hindi umano inimbitahan ni Marjorie ang kanilang ina sa birthday party ng kanilang ama bilang ganti sa pagkampi umano niya [Inday] kay Claudine.

Ayon pa kay Gretchen, wala siyang kapangyarihan para magkaroon ng grand entrance sa burol ng kanilang ama kasama si Pangulong Duterte.

Ipinost din ni Gretchen ang video ng pag-uusap nilang mag-ina sa burol  para patunayang hindi siya nag-hysteria gaya umano ng sabi ni Marjorie.

Sinisikap pa ng GMA News na makuha ang pahayag ni Marjorie tungkol sa mga sinabi ng kaniyang mga kapatid.--FRJ, GMA News