Tatlong Duterte ang tatakbong senador sa Eleksyon 2025, ayon kay Vice President Sara Duterte.
Sa ambush interview sa Cagayan de Oro, inihayag ng pangalawang pangulo na kakandidatong senador ang kaniyang ama na si dating Pangulong Rodrigo Duterte.
Gayundin ang kaniyang mga kapatid na sina Davao City Mayor Sebastian “Baste” Duterte at Davao City First District Representative Paolo Duterte.
“Lahat sila ready tumakbo eh. Si PRRD (President Rodrigo Roa Duterte) senator, ‘yung kuya ko si Paolo Duterte, ‘yung congressman ngayon, senator. Si Sebastian Duterte,” sabi ni VP Sara.
“Tatlo ang Duterte next year… yes, confirmed ‘yan,” dagdag niya.—FRJ, GMA Integrated News
