Nasawi ang isang lalaking naglalakad at may kausap sa cellphone matapos siyang pagbabarilin sa Quiapo, Maynila.
Sa ulat ng Unang Balita nitong Biyernes, mapapanood sa isang kuha ng CCTV ang paglalakad ng 42-anyos na biktima nang bigla siyang pagbabarilin ng isang lalaki sa likod.
Tumakas ang salarin, habang patuloy na inaalam ng pulisya ang motibo sa pamamaslang. —Jamil Santos/ VAL, GMA Integrated News
