Isinugod sa ospital ang rider at angkas niya matapos makabanggaan ng sinasakyan nilang motorsiklo ang isang truck ng basura sa Quezon City.
Sa ulat ng GMA News "Unang Balita" nitong Miyerkules, sinabi ng driver ng truck na galing siya sa Maynila at papunta sana sa Montalban, Rizal.
Papakaliwa raw siya sa Panay Avenue nang bigla niyang mabangga ang motorsiklo.
Ayon sa mga rumespondeng tauhan ng Metro Manima Development Authority, naka-inom ang dalawang sakay ng motosiklo.
Wala rin umanong suot na helmet ang isa sa mga biktima. --FRJ, GMA News
